ხის მასალა და ფასები

 

ხის მასალა კოტეჯების მშენებლობაში

ადამიანის ურთიერთობა ხესთან უხსოვარი დროიდან იწყება. ქვის დამუშავებასთან ერთად ხვის ხანის ადამიანმა ხის დამუშავებაც დაიწყო და გამოქვებულიდან საკუთარი ხელით აშენებულ ხის მიწურებში გადავიდა საცხოვრებლად.

ხის მასალაზე მოთხოვნა დღევანდელ მსოფლიოშიც დიდია.

რა განაპირობებს ხის მასალის პოპულარობას?

მიზეზები შემდეგია:

◊ ხის მასალა ფართოდ გამოიყენება მშენებლობაში. იქნება ეს კარკასული კონსტრუქციების აგება, იატაკის დაგება, ჭერის, შიდა და გარე კედლების მოპირკეთება. 

◊ ხე განახლებადი რესურსია, მას ბუნება გვჩუქნის. თუმცა გვჩუქნის შეზღუდული რაოდენობით და ამ საჩუქარს დაფასება სჭირდება. მნიშვნელოვანია ტყეებიდან ამოღებული მოცულობები ახალი ნარგავებით ჩანაცვლდეს.

◊ ხე სუნთქავს. ის ისრუტავს ჰაერში არსებულ ნესტს და საჭიროების შემთხვევაში ისევ ატენიანებს ჰაერს. შესაბამისად ოთახში მუდმივად არის ადამიანის ჯანმრთელობისთვის საჭირო ტენიანობა.

◊ ხეს აქვს კარგი თბოგამტარობა.

◊ ხის მასალა მარტივად ექვემდებარება დამუშავებას მას შეიძლება მივცეთ სასურველი ფორმა და ზომა.

◊ ხე შედარებით მსუბუქია (გამომშრალი ფორმით) განსაკუთრებით წიწვოვანი ჯიშები.

◊ ხის მასალა ესთეთიკურია მისი ბუნებრივი ფაქტურის გამო.

◊ ხესთან ყოველდღიური ცხოვრება ბუნებასთან თანაცხოვრებაა.

რუსული ხის მასალა ჯობს თუ ქართული?

ქართული ხის მასალა

ტყის კაფვა საქართველოში შეზღუდულია. არის კომპანიები რომლებსაც აქვთ გონივრული დოზით ჭრის ლიცენზია და შესაბამისად ქართული ხის მასალაც მოიპოვება ბაზარზე, თუმცა მცირე რაოდენობით. ნაწილობრივ რუსული მასალის კონკურენციის გამო ქართული მასალის რაოდენობა ბაზარზე მინიმუმამდე შემცირდა. ჩვენ მასალა რუსეთიდან შემოგვაქვს.

რუსული ხის მასალა

რუსეთს "ამოუწურავი" ტყის რესურსი აქვს. რუსული წიწვოვავნი ჯიშები ხარისხით მსოფლიოში ცნობილია. ცივი კლიმატის გამო წიწვოვანი ჯიშები უფრო ნელა იზრდება, ვიდრე თბილ კლიმატურ ზონებში, ნელი ზრდა კი განაპირობებს მერქნის უკეთეს ხარისხს.

ხარისხში განსხვავებაა თავად რუსეთშიც რეგიონების მიხედვითაც, მაგალითად არხანგელსკის და კიროვის ოლქებს კონკურენცია აქვთ გაჩაღებული ვისთან უკეთესი ფიჭვი თუ ნაძვი იზრდება.

მორების სახით მასალის ექსპორტზე გატანა რუსეთში აკრძალულია, შესაბამისად ხდება პირველადი გადამუშავება და სხვადასხვა მზა პროდუქტის სახით ექსპორტზე გატანა.

ეს შეიძლება იყოს, დახერხილი თუ გარანდული ფიცარი, საფასადე და ინტერიერის ხის მასალა, ხის კარები, კიბის ელემენტები, პლინტუსები, სხვადასხვა აქსესუარი და ა.შ

რა უნდა გავითვალისწინოთ ხის მასალის შერჩევისას?

1. უნდა შევიძინოთ მშრალი ხის მასალა

ხის მასალის ტენიანობა არ უნდა აღემატებოდეს 18%. სველი მასალა იწვევს დეფორმაციას, ქმნის კონსტრუქციულ პრობლემებს. როგორ იზომება ხის მასალის ტენიანობა? ბაზარზე არსებობს სპეციალური ხის მასალის ტენიანობის საზომი ხელსაწყოები.

2. შევადაროთ ფასები

• ხის მასალის ქართულ სავაჭრო ინდუსტრიაში აფიშირებული ზომები ხშირ შემთხვევაში არ ემთხვევა პროდუქტის რეალურ ზომებს, ამიტომ ყურადღება გვმართებს
• ხის მასალის ფასს ზოგჯერ გვაწვდიან არა დაფარვაზე კვადრატულობით, არამედ ქიმების ჩათვლით. ასე „შელამაზებული ფასი“ უფრო დაბალი შეიძლება მოგვეჩვენოს, ვიდრე სხვა მიმწოდებლის ფასია, ვინც რეალურ ზომებს ანგარიშობს და ხაფანგში გავებათ.

ჩვენს ხის მასლაზე ფასები მითითებულია რეალური, მუშა ზომებით. 

ხის როგორც საშენი და მოსაპირკეთებელი მასალის გამორჩეულობის გამო სასურველია ის რაღაც დოზით შემოვიყვანოთ ჩვენს ცხოვრებაშიც. შესაძლებელია ჩავრთოთ ხის ელემენტები ბინის, ან საცხოვრებელი სახლის ინტერიერში. ეს შეიძლება იყოს კედლის პანელები, ხის ავეჯი, ან თავიდანვე ხის სახლი ავაშენოთ.

რა ღირს ხის სახლის აშენება?

ფასი 350$_400$ კვადრატულ მეტრზე ცოტა ნამდვილად არ არის. „ამ ფასად ხომ ბლოკის სახლს ავაშენებ, ხის სახლი რომ არ ავიშენოო?“ - ვისმენთ ხანდახან

ვადასტურებთ. დიახ, ააშენებთ ბატონო ბლოკის სახლს უფრო იაფად. თუმცა არსებობენ ადამიანები, ვინც არითმეტიკა საშუალოზე უკეთ იციან და მაინც ხის სახლებზე აკეთებენ არჩევანს.

რა უნდა გავითვალისწინოთ ხის სახლის აშენებისას? რომელი ხის მასალა დაგვჭირდება, რა ტექნოლოგიები არსებობს?

 სახლი მორებით

კლასიკად თვლება მთლიანი მორებით, ლურსმნების გარეშე ხის სახლების აშენება.

საქართველოში ამ მორების შემოტანა არ ხდება რეგულაციების გამო. რუსეთი კრძალავს დაუმუშავებელი მორების ექსპორტზე გატანას. ზოგადად ამ მეთოდით შენება დიდ დანახარჯებთან არის დაკავშირებული.

კარკასული ხის სახლი

შედარებით ბიუჯეტური ვარიანტია კარკასული სახლი. ჯერ იგება ხის კარკასული კონსტრუქცია, შემდეგ ხდება კარკასების შიდა და გარე მოპირკეთება.

მშენებლობის რომელ ეტაპზე რომელი ხის მასალა უნდა გამოვიყენოთ ხის კარკასული სახლის ასაშენებლად?

ფუნდამენტი ისე უნდა მოეწყოს რომ ხეს არ ქონდეს შეხება მიწასთან. ამისთვის იატაკში ლითონის პალოების ჩასმა ხდება. ამ პალოებზე ეწყობა კარკასი.

კარკასის შექმნის რამოდენიმე მეთოდი არსებობს. ამერიკული ე.წ. ლარი ჰოლის მეთოდი, ფინური და სკანდინავიური მეთოდი. პრაქტიკული და სწრაფია წინასწარ სახელოსნოში კონსტრუქციული ელემენტების აწყობა და მათი მონტაჟი შემდეგ ადგილზე.

ხის მასალა კარკასისთვის

კარკასის აწყობამდე ხის კარკასის ელემენტების დამუშავება უნდა მოხდეს სპეციალური ხანძარსაწინააღმდეგო და ასევე ჭიისა და სოკოსგან დამცავი ხსნარით. დამუშავების მეთოდები რამოდენიმეა: დასხურების, ფუნჯით დატანის ან აბაზანაში ჩალბობის მეთოდი. ჩალბობის მეთოდი უფრო ეფექტურია, რადგან ხის მასალის კარგად იჟღინთება.

რა საჭიროა ხსნარები და ზედმეტი ხარჯი?

მშრალ მასალასაც შეიძლება ჭია და სოკო გაუჩნდეს. პარაზიტები მერქანში პოულობენ საკვებს, სახლდებიან, მრავლდებიან, ხრავენ რაც სახრავია და აქვთ ერთი გნიასი და ჟრიამული. ხსნარი შედის ხის ბოჭკოებში და იცავს ხეს დაუპატიჟებელი სტუმრებისგან.

ხის მასალის დამცავი საშუალება - სენეჟ აქვადეკორი

კარკასის გადახურვა

კარკასის გადახურვა

შეკრული კარკასი უნდა გადაიხუროს. გადახურვისთვის ძირითად მასალად გამოიყენება მეტალოკრამიტი ან შინგლი. შინგლი უფრო ეფექტურია, თუმცა უფო ძვირი.

ხის სახლის თბოლიზოლაცია

შემდეგი ნაბიჯი - კარკასის თბოიზოლაცია. კარკასებს შორის დატოვებულია სპეციალური ადგილი, სადაც იდება ქვაბამბის სამი შრე (5 სანტიმეტრიანი). გარედან და შიგნიდან უკეთდება სპეციალური მემბრანები, რომლებიც იცავენ კარკასს გარემო ზემოქმედებისგან. მებრანა ატარებს ნესტს შიგნიდან გარეთ, მაგრამ არ ატარებს გარედან შიგნით. 

თბოიზოლაცია

ფასადის ხის მასალა

თბოიზოლაციის შემდეგ ხდება კარკასული კედლის შეფუთვა ხის მასალით. გარე ფასადისთვის რეკომენდირებულია სქელი მასალის გამოყენება. გამოგვადგება

• ბრუსი
• ნახევრადბრუსი
• ბლოკჰაუსი
• ამერიკანკა

ყველა სხვადასხვა გეომეტრიის მოდელებია. აერთიენებთ ის, რომ საკმარისი სისქე აქვთ გარემო ზემოქმედებებთან (წვიმა, ქარი, მცხუნვარე მზე, ყინვა და ჯანდაბა:) გასამკლავებლად. რომელი ავირჩიოთ? არჩევანი მათ შორის დიზაინერული მოსაზრებებით უნდა გაკეთდეს.

ფასადის შესაფუთი ხის მასალა - ნახევრადბრუსი

შიდა კედლების და ჭერის ხის მასალა

შიდა კედლების და ჭერის მოსაპირკეთებლად გამოიყენება ე.წ აბშივკა

• ევროვაგონკა
• შწილი
• სოფტლაინი

ეს მასალები შედარებით თხელია 12 მმ, თუმცა ეს სისქე შიდა სივრცისთვის სრულიად საკმარისია. აქაც არჩევანი მოდელებს შორის ჩვენს გემოვნებაზე და დიზაინერულ ჩანაფიქრზე არის დამოკიდებული.

ხის ლამფის მონტაჟი თუ გაინტერესბთ წაიკითხეთ ჩვენი ბლოგი

ხის მასალა იატაკისთვის

იატაკად შეგვიძლია გამოვიყენოთ მასიური ხის იატაკი,

• ნაძვი
• ფიჭვი
• ლარიქსი

ფიცრების დაგება ხდება სპეციალური მეთოდით. არსებობს სხვადასხვა სისქის და სორტირების ფიცარი. მათ დასამუშავებლად შესაძლებელია გამოვიყენოთ ლაქები ან ზეთები.

ევროვაგონკას 4 სმ-იანი ფიცარი დამუშავებულია გლიმტრექსის ზეთით ცვილით

ჩვენი ფიცრების მოდელები და ფასები შეგიძლიათ ნახოთ აქ: 

ზოგ შემთხვევაში ხის იატაკის ნაცვლად იგება ფანერა ან OSB ფანერა და მასზე ლამინატი. შესაძლებელია ასევე კლასიკური და სამშრიანი პარკეტის დაგება.

პლინტუსები და კუთხოვანები

იატაკის კედელთან და კედლის ჭერთან შეერთების ადგილებში ჰარმონიული გადასვლისთვის გამოიყებენა პლინტუსები.

• ჭერის პლინტუსი - კედლების ჭერთან შეერთების ადგილებში და
• იატაკის პლინტუსი - იატაკის და კედლების შესაყარზე.

 

ორივე სახეობის პლინტუსს განსხვავებული კონსტრუქცია აქვს.

იატაკის და ჭერის პლინტუსი

 

90 გრადუსიანი კუთხეების დასაფარად გამოიყებენა კუთხოვანები, ე.წ. უგოლნიკები. 

ხის კარები

ხის სახლი ხის კარების გარეშე არ უქნია გამჩენს. შიდა კარებად ხის კარის გამოყენება ბევრი ფიქრის გარეშე შეიძლება. თუ გარე კარად ხის კარის გამოყენებაზე ვფიქრობთ უნდა შევარჩიოთ შეწებებული მასალისგან დამზადებული ხის კარები, რადგან ვიცით. რომ ტემპერატურული სხვაობა შიდა და გარე სივრცეს შორის ხის გეომეტრიაზე მოქმედებს. შეწებებული მასალა მეტად ფორმასტაბილურია.

ხის ფანჯრები თუ მეტალოპლასტმასის?

ხშირ შემთხვევაში ხდება მეტალოპლასტმასის ფანჯრების ჩასმა, რადგანაც მეტია ხმის იზოლაცია, მტვერისგან დაცვა, სითბოეფექტურობა და პრაქტიკულია. ყველაფერი ხეში ხანდახან გადატვირთულობის აღქმას იწვევს. მასალების კომბინირებით უკეთესი ეფექტი მიიღება.

ხის სახლის შეღებვა

ხდება შიდა და გარე კედლების სპეციალური ანტისეპტიკური ლაქით დამუშავება. ფასადის მხრიდან რეკომენდირებულია 3 ფენის დატანა. უმჯობესია დატანა მოხდეს ფუნჯით, რადგან კომპრესორით დასხმის ან ლილვაკით დატანის დროს ხის მასალის ტექსტურა იკარგება. იგივე ანტისეპტიკური ლაკით მუშავდება შიდა მხრიდანაც, შიდა მხრიდან დასაშვებია ორი პირის დატანა. ჩვენ გთავაზობთ რუსული წარმოების შედარებით ბიუჯეტიან მაგრამ ხარისხიან ანტისეპტიკურ ლაქებს. სენეჟი ლიდერობის უმიზნებს რუსულ ბაზარზე.

რამდენ ხანს ძლებს კარკასული სახლი?

თუ სახლ აიგება ყველა ზემოთ ჩამოთვლილი წესის დაცვით, მისი ექსპლოატაციის ვადა იქნება 80-100 წელი.

რა დრო სჭირდება კარკასული სახლის აშენებას?

თუ გიგანტ ხის სახლს არ აშენებთ მშენებლობის პროცესის დაწყებიდან (ნახაზების და პროექტის დასრულების შემდგომ) საშუალოდ 45 დღე.

 

ხის სახლების აშენება შგიძლიათ შეუკვეთოთ ჩვენს პარტიორ კომპანია ოდაჰაუსს.

სად შევიძინო ხის მასალა?

 ხის მასალები შეგიძლიათ შეიძინოთ ევროვაგონკაში. გვესტუმრეთ

 დამატებით ხის სახლებზე შეგიძლიათ წაიკითხოთ ჩვენს კატეგორიაში ხის კოტეჯები და სახლები