OSB - ორიენტირებული ბურბუშელოვანი ფილა სამშენებლო მასალაა, რომელიც ფართოდ გამოიყენება არა მხოლოდ მშენებლობაში, არამედ ბევრი სხვა დანიშნულებითაც.
აგებულება:
OSB შედგება ხის ბურბუშელების/ნაფოტების სამი ან მეტი ფენისგან. რაც მეტია ფენა, მით უფრო სქელია ფილა და მით უფრო დიდ მექანიკურ დატვირთვას უძლებს.
ხის ნაწილაკები - ბურბუშელები შეკრულია სინთეტიკური ფისის, ხელოვნური ცვილისა და ბორის მჟავის შემადგენლობით.
მაქსიმალური სიმტკიცის მისაცემად, გარე ფენებში ხის ნაწილაკები ორიენტირებულია გრძივად, ხოლო შიდა ფენებში - გადაღმა ან თვითნებური განლაგებით.
OSB ზომები:
ქართულ ბაზარზე გაყიდვაში არსებული ოსბ ფილების ზომებია:
სტანდარტი 2440 x 1220 მმ = 2,976 მ² და
არისტოკრატი 2500 x 1250 მმ = 3.125 მ²
სისქე ძირითადად არის 9, 12, 15 და 18 მმ.
ევროვაგონკა გთავაზობთ 2500 x 1250 მმ ზომის ოსბ ფანერას. სურვილის შემთხვევაში შესაძლებელია გაგიჭრათ ფილა სიგრძეზე ან სიგანეზე და შემოგთავაზოთ ნახევარი ოსბ.
| ნახევარი osb ფანერა არისტოკრატი სტელაჟების მზადების პროცესში |
 |
ოსბ ფანერის ხარისხი
ხარისხი განისაზღრება რამოდენიმე კრიტერიუმით:
1: ხის ბურბუშელების - ნაფოტების ზომები. რაც უფრო განიერი და გრძელია ეს ნაწილაკები მით მყარია ოსბ ფანერა.
2. ოსბ ფანერის სიმკვრივე. სიმკვრივე განსაზღვრავს ფანერის საერთო დრეკადობას. მკვრივი ოსბ უკეთ უძლებს სიმძიმეებს. მასში გასულ ლურსმანს ან შურუპს აქვს უკეთესი მოჭიდება და არ ყანყალებს.
3. ზედაპირის სტრუქტურა.
OSB ფასი
ბაზარზე არსებულ პროდუქტებთან შედარებით ჩვენი ოსბ ფილების ფასები ერთი შეხედვით შეიძლება მაღალი გვეჩვენოს, თუმცა დაკვირვების შემდეგ მივხვდებით, რომ სხვა დონის პროდუქტთან გვაქვს საქმე.
აქტუალური ფასები შემდეგია:
| OSB არისტოკრატი 2500 x 1250 მმ | |
| 9 მმ | 25,5 ₾ |
| 12 მმ | 35,5 ₾ |
| 18 მმ | 55 ₾ |
რატომ უნდა შევიძინოთ ოსბ არისტოკრატი? სად არის სხვაობა?
სხვაობა არის შემდეგში:
- ზომაში - ჩვენი ოსბ სიგრძეშიც და სიგანეშიც მეტია ბაზარზე არსებულ ფანერებზე, ანუ რეალურად მეტ კვადრატულობას ვყიდულობთ.
- სიმკვრივეში - არისტოკრატი უფრო მკვრივია კონკურენტ პროდუქტებთან შედარებით.
- ნაფოტების გარშემოწერილობებში - არისტოკრატის ნაფოტები/ბურბუშელები უფრო დიდი ზომის არის
- ოპტიკასა და ჰაპტიკაში - არისტოკრატს აქვს გლუვი ზედაპირი, რაც ფანერის მიმზიდველ ვიზუალს განაპირობებს. პლუს ამ ზედაპირთან ხელით შეხება ძალიან სასიამოვნოა.
| თუ გამძლეობა და ლამაზი ვიზუალი თქვენთვის მნიშვნელობანია, ოსბ არისტოკრატზე უნდა შეაჩეოროთ არჩევანი. |
ოსბ-ს წარმატების ისტორია
პირველად იგი ბაზარზე მე-20 საუკუნის ბოლოს გამოჩნდა და მისი ვიზუალური მხარე განპირობებული იყო ამერიკაში კარკასული სახლების ფართო მშენებლობით.
მანამდე არსებული ფილები, როგორც მოსაპირკეთებელი მასალა, არ იყო შესაფერისი, რადგან იყო მძიმე, ვერ უძლებდა ტენიანობას და გადაბმის დროსაც პრობლემები ექმნებოდა, ჩვეულებრივი ხით დაფარვა კი დიდ თანხებთან იყო დაკავშირებული და ტექნოლოგიურად არ იყო გამართული.
გამოსავალი სწორედ რომ, OSB ფილის გამოჩენა იყო, რომელიც საშუალებას გვაძლევს სწრაფად და თან დაბალი დანახარჯით დავფაროთ სახლის კარკასი.
ემპირიული კვლევის შედეგად დადგინდა, რომ მსგავსი ტიპის ფილის შესაქმნელად წიწვოვანი (ნაძვი და ფიჭვი) ოპტიმალური მერქანია, რადგან მათზე სოკო ნაკლებად ჩნდება.
კარკასული ხის სახლების პოპულარობის გამო, OSB ფილები ერთ-ერთი ყველაზე მოთხოვნადი მასალაა. შეიძლება გაგიკვირდეთ, თუმცა, იაპონიაში მიწისძვრის დროს OSB-ის ფილებით აშენებული კარკასული სახლები გადარჩა, როცა მეზობლად ხის და ქვის სახლები ჩამოინგრა.
მიუხედავად იმისა, რომ ამ ეტაპზე, მსგავსი მასალით მშენებლობის ზუსტი მეცნიერულად დამოწმებული ტექნოლოგია არ არსებობს, უდიდესი მნიშვნელობა აქვს სწორად გაკეთებულ ვენტილაციას, რადგან OSB ფილები არ უნდა იყოს მაღალი ტენიანობის პირობებში, ვინაიდან, ამ დროს დიდი რისკია ფილა დაზიანდეს ან დაინფიცირდეს ობით.
როგორ დავიცვათ OSB?
ექსპერტების თქმით, ის ფაქტი, რომ სოკო "ადვილად ჭამს" ფილებს ბუნებრივი მოვლენაა. OSB არის 90% ხის და აქვს იგივე სისუსტეები, რაც ხეს.
ადამიანებს აქვთ მცდარი წარმოდგენა, რომ OSB გაჟღენთილია ფისებით, რომლებიც ხელს უშლიან ლპობას. ეს ფისები საჭიროა მხოლოდ ხის ანათლელების დასამაგრებლად.
ფორმალდეჰიდის ფისებს არ გააჩნიათ ანტისეპტიკური თვისებები. თუ ფილამ ფერი შეიცვალა და ნაცრისფერი გახდა, ეს უკვე განგაშის სიგნალის საფუძველია, იგი უკვე დააავადდა ობით.
დიდი ხნის განმავლობაში ითვლებოდა, რომ მხოლოდ კარკასი უნდა იყოს დაფარული ბიოდაცვით, ხოლო OSB- ფირფიტებს და სხვა სტრუქტურულ ელემენტებს ეს არ სჭირდებათ. ეს არასწორია.
კარკასულ სახლში ყველაფერი ურთიერთკავშირშია. კარკასს უჭირავს სახლი, OSB კი კარკასს უფრო ძლიერს ხდის. კონტრ-გისოსიც კი, რომელზედაც დამაგრებულია OSB-ის ფილები, უნდა დამუშავდეს ბიოპროტექტორული ნაერთით.