ხის კოტეჯები და სახლები 450$-დან

ხის სახლი 5000 ლარად

რეალური ფასი

ხის სახლის აშენების მეთოდები

ხის კოტეჯების სახანძრო უსაფრთხოება

ვინ ამიშენებს ხის სახლს?

კომპანია ევრო-ვაგონკა აგიშენებთ ხის სახლებს.

ჩვენი ამჟამინდალი სამშენებლო პროფილი მოიცავს მაღალი სტანდარტის 10-დან 60 კვადრატამდე ხის სახლების მშენებლობას.

მშენებლობისას გამოიყენება უმაღლესი ხარისხის ხის მასალები, ანტისეპტიკური ლაქ-საღებავები და სამაგრი სისტემები.

ჩვენს მიერ აშენებული ხის სახლი სართიჭალაში

რამოდენიმე დეტალი პროექტის შესახებ:

თქვენი ხის სახლი აშენდება ამერიკული სისტემით, მოდულური მეთოდით, სადაც გამოყენებული იქნება სპეციალური გეომეტრიული კონფიგურაცია იმგვარად, რომ მივიღოთ სახლის ისეთი კარკასი, რომელიც მოგვცემს გარანტიას სახლი იყოს დაცული რხევებისაგან, იყოს მდგრადი სითბოს და სიცივის მიმართ და შეესაბამებოდეს ყველა საჭიროებას

გამოყენებული იქნება სპეციალური თბოიზოლაციის ფენები, ქვაბამბა, ასევე გარე და შიდა დიფუზიური მემბრანები.

მშენებლობისას ჩვენ გამოვიყენებთ რამოდენიმე სახეობის ხის მასალას, როგორიცაა ნაძვი, ფიჭვი, ლარიქსი ე.წ ლისტვინიცა არყის ხე, ე.წ. ბერიოზა აკაცია და ასევე თერმული ფიჭვი.

რაშია ჩვენი უპირატესობა?

ჩვენ თაავად გვაქვს 100 მდე სახეობის ხის მასალა და არ გვიწევს მათი მოძიება და შესყიდვა ბაზარზე გადამეტებულ ფასად, ასევე გვაქვს ლაქ-საღებავების და სამაგრი სისტემების დიდი არჩევანი. ეს ზოგავს დიდ დროს და მნიშვნელოვნად ამცირებს ხარჯებს.

თქვენი სახლის კონსტრუქციისთვის გამოვიყებენთ მშრალ ფიცარს 12-14 % ტენიანობით, რომელსაც გავჟღინთავთ ჩალბობის მეთოდით სპეციალურად ამისათვის შექმნილ აალების საწინააღმდეგო ანტისეპტიკურ ხსნარში „სენეჟ ოგნებიო.“

მშენებლობის პროცესში გამოვიყენებთ რთულ გეომეტრიულ კონფიგურაციებს და არ გავაკეთებთ იაფფასიან ბრტყელ გადახურვას.

გარე ფასადისთვის დავანონტაჟებთ სქელ პროფილებს და არა თხელ ევროვაგონკას, რომლის დანიშნულება შიდა მოპირკეთებაა.

კარკასის დეტალები დამზადდება წინასწარ საამქროში და თქვენთან იწარმოებს მხოლოდ მონტაჟი. ეს საგრძნობლად დაგვიზოგავს მშენებლობის დროს.

შედეგად მიიღებთ ეკოლოგიურად სუფთა, საცხორებლად კომფორტულ სახლს, რომელშიც ფიჭვნარის სურნელი იტრიალებს და თქვენი ბედნიერების ხარისხი ერთიორად გაუმჯობესდება.

ჩვენ ხომ ყველას ეს გვინდა - ვიყოთ ბედნიერები და ვხედავდეთ იგივეს ოჯახის წევრების თვალებში.

გვენდეთ და გვანდეთ თქვენი ბედნიერება !!!

ჩვენი მშენებლობის მეთოდი და გამოყენებილი მასალები ფასისა და ხარისხის იდეალური შეხამებაა.

ხის სახლი 5000 ლარად?

ხის კოტეჟის აშენება ამ ფასად კარგი იქნებოდა, მაგრამ რეალობას მოკლებულია ეს წარმოდგენა.

მსოფლიო ბაზარზე სამშენებლო მასალებზე ფასების ზრდა ასევე შეეხო ხის მასალას, რომელიც გამოიყენება ხის კოტეჯების ასაშენებლად. დღეს 5000 ლარად შესაძლებელია მხოლოდ კონსტრუქციის ნაწილის დამზადება.

რა ღირს ხის კოტეჯის აშენება რეალურად?

პასუხი კითხვაზე დამოკიდებულია იმაზე, რა მეთოდით ვაშენებთ ხის სახლს. დაბალბიუჯეტური მეთოდით, მაგრამ ყველა საჭირო სტანდარტის დაცვით დასრულებული სახლის ღირებულება სრული რემონტით 450$-დან 700$-მდეა 1მ²-ზე.

ხის სახლის აშენების მეთოდები

ხის სახლის მშენებლობის 3 განსხვავებული მეთოდი არსებობს, ესენია:

• შეწებებული ბრუსით

•  მრგვალი მორით

•  კარკასული

სამივე მეთოდით ნაშენი პროდუქტი ხის სახლია, თუმცა ისინი ერთმანეთისგან არსებითად განსხვავდებიან გამოყენებული მასალის ტიპით, მშენებლობის სტილით, მოდელირებით და ფასით.

მოკლედ განვიხილოთ თითოეული მეთოდი:

ხის კოტეჯი შეწებებული ბრუსით

ხის კოტეჯის აშენების ყველაზე ძვირადღირებული ტექნოლოგიაა შეწებებული ბრუსი.

წინასწარ ერთ ზომაზე დაკალიბრებული მასალა ერთმანეთთან წებდება და ასე მიიღება მსხვილი კოჭები. მასიურ ერთიანი სტრუქტურის კოჭებთან შედარებით ასე შეწებებული კოჭები ბევრად უფრო სტაბილურია და მათი გეომეტრია გარემო პირობების (ტემპერატურა, ტენიანობა) ცვლილებასთან ერთად არ იცვლება. პლიუს აქვს კარგი თბო- და ხმის იზოლაცია.

ტექნოლოგია საკმაოდ შრომატევადია, მოითხოვს ძვირადღირებულ დანადგარებს და მასალის დანახარჯიც დიდია. შესაბამისად ფასიც ყველასათვის ხელმისაწვდომი არ არის. საქართველოში ამ ტექნოლოგიით აშენებული ხის სახლები თითებზე ჩამოითვლება.

ხის სახლი მრგვალი მორებით

მორები ბუნებრივი სახით ითლება, კალიბრდება, გადაბმის ადგილები იკვეთება და ერთმანეთზე კედლებად ეწყობა.

ასეთი სახლი ძალიან ლამაზია და ბუნებასთან მაქსიმალური სიახლოვის განცდას ტოვებს.

ეს ტექნოლოგიაც საკმაოდ ძვირადღირებულია.

კარკასული ხის სახლი

ჩვენთან, ამ ბოლო დროს, განსაკუთრებით პოპულარულია კარკასული ხის სახლის მშენებლობა. მსგავსი ტიპის ნაგებობას საქართველოს ბევრ კუთხეში შეხვდებით.

მისი მთავარი ხიბლი ბიუჯეტურობა და მშენებლობის სისწრაფეა. მაგალითისთვის, თუ მრგვალი მორის სახლის მშენებლობას 2 წელი სჭირდება, კარკასული სახლი, კარგ პირობებში, დამკვეთს შესაძლებელია ჩაბარდეს 35-40 დღეში.

რა მასალით უნდა ავაშენოთ მსგავსი ტიპის სახლი?

სახლი უნდა აშენდეს გამომშრალი ხის მასალისგან, ე.წ მშრალი ფიცრისგან, რადგან ამ დროს ნაკლები რისკია ხეს გაუჩნდეს სოკო, ლიქენები, გაიღუნოს ან დალპეს.

სველი ფიცრის გამოყენების შემთხვევაში გველოდება პრობლემები, რომელთა მოგვარებაც ძალიან რთულია.  

როგორ აშრობენ ხის მასალას?

პირველ ეტაპზე აშრობენ ბუნებრივი წესით. შემდეგ ანთავსებენ სპეციალურ საშრობ მოწყობილობაში და აჩერებენ მასში 72-120 საათამდე. პროცედურის გავლის შემდეგ ხეში რჩება ტენიანობა 12-14%, რაც ხის გაფუჭების რისკებს მინიმუმამდე ამცირებს.

მასალა ხის სახლის ასაშენებლად უნდა შეიძინოთ კეთილსინდისიერ დილერებთან, რომლებიც ყურადღებას აქცევენ მასალის ხარისხს და სველ მასალას არ მოგყიდიან.

როგორ იგება კარკასული ხის სახლი?

კარკასი

ხის კარკასი შეიძლება აიგოს ადგილზე, ან შესაძლებელია კარკასი მოდულების სახით დამზადდეს ჯერ სახელოსნოში და მისი მონტაჟი მოხდეს ადგილზე.

ფასადი - გარე მოპირკეთება

ფასადის შეფუთვისთვის გამოიყენება სპეციალური პოზიციები, როგორიცაა:

• ნახევრად ბრუსი
• ბლოკჰაუსი
• ევრო ვაგონკა
• იშვიათ შემთხვევაში ამერიკული პროფილი ე.წ ამერიკანკა

ზემოთ ჩამოთვლილი სხვადასხვა დიზაინის მქონე პროფილებია და მათი ძირითადი მახასიათებელი სისქეა. ეს შემთხვევითი არ არის. რადგან ფასადზეა აქცენტი, წესით, ყოველთვის უნდა გამოვიყენოთ მასიური პროფილი, თუმცა, ჩვენთან ხშირად ხდება რომ დამკვეთი ფასის გამო (რომელიც საერთო ჯამში დიდ სხვაობას არ გვაძლევს) ირჩევს შედარებით ბიუჯეტურს და ნაკლებად სქელ პროფილს, ნაკლები სისქე კი სახლის ნაკლები დროით ექსპლუატაციას ნიშნავს.

შიდა მოპირკეთება

შიდა მოწყობის დროს, შესაძლებელია გამოვიყენოთ თხელი პროფილები, როგორიცაა: შტილი, ხის ლამფა, ევრო ვაგონკა.

 ოდაჰაუსის ხის კოტეჯი

ხის კოტეჯების სახანძრო უსაფრთხოება

ელექტრო გაყვანილობა შეფუთული უნდა იყოს  სპეციალურ გოფრირებულ მილებში, რადგან, თუ მოხდა აალება, ხე და ელექტროობა კონტაქტში არ იყოს ერთმანეთთან.

აუცილებელია, ხის კარკასი მშენებლობამდე დამუშავდეს სპეციალური ხანძრისგან დამცავი ხსნარით.

არსებობს ასეთი ხსნარით ხის დამუშავების სამი წესი:

• დასხურება
• ფუნჯით წასმა
• ჩალბობის მეთოდი

მესამე მეთოდი გახლავთ ყველაზე ეფექტური და გულისხმობს ხის სითხეში ჩალბობასა და გაჩერებას 48 საათით. თუმცა, სამწუხაროდ, პრაქტიკაში ნაკლებად გვხვდება მსგავსი მეთოდის გამოყენება.

კარ-ფანჯრის მოწყობა

უმჯობესია კარ-ფანჯარა მეტალოპლასტმასის, ან ალუმინის იყოს. რადგან იგი სახლს მეტად იცავს მტვერის, ხმაურისა და კლიმატური პირობებისგან. გარდა ამისა, დიზაინერებიც და არქიტექტოტებიც თანხმდებიან, რომ ინტერიერსაც უფრო მეტად უხდება მეტალოპლასტმასის კარ-ფანჯარა.

თუ ეცდებით მნიშვნელოვნად იაფად ააშენოთ მსგავსი ტიპის სახლი, უარი უნდა თქვათ გარკვეულ სტანდარტებზე, ხარისხსა და ექსპლუატაციის ხანგრძლივ ვადაზე.

საჭირო სტანდარტების დაცვის შემთხვევაში დიდი ხნით ისიამოვნებთ იმ კომფორტითა და სილამაზით, რაც ხის სახლში ცხოვრებას ახლავს თან.

ვინ ამიშენებს ხის სახლს?

ხის სახლების და კოტეჯების ასაშენებლად შეგიძლიათ მოგვმართოთ ჩვენ 

558 230964 09:00 -დან 17:00-მდე