ვაკანსია ევროვაგონკაში

  დამხმარე საწყობში

  გახდი ჩვენი გუნდის წევრი - 593246477

ფიჭვი - დახასიათება და თვისებები

ტყეში, ნესტიან მიწაზე, გულაღმა გართხმული, დიდრონ ფიჭვებს ავცქეროდი, რომლებიც თავის სიდიადეში უფრო და უფრო მარწმუნებდნენ.

ფიჭვი უნიკალურ ხეთა რიგს მეკუთვნება. ამის მიზეზი კი მისი არაერთი სასარგებლო თვისებაა.  ამ თვისებების ნუსხა არც ისე მცირეა.

ფიჭვი მარადმწვანე წიწვვანი ხეა. სიმაღლით 40 მ-მდე იზრდება. მსოფლიოში ფიჭვისებრთა ოჯახი  100-მდე სახეობას  აერთიანებს. საქართველოში კი გავრცელებულია ოთხი სახეობა: კავკასიური ფიჭვი ანუ სოსნოვსკის ფიჭვი (Pinus sosnowskyi), ბიჭვინთის ფიჭვი, ელდარის ფიჭვი (Pinus eldarica) და კოხის ფიჭვი (Pinus Kochiana). ყველა მათგანი ორწიწვიანია.

ფიჭვის ღირსებებს მთელს მსოფლიოში აღიარებენ. ჩინეთსა და იაპონიაში ის მარადიულობის სიმბოლოა, მცირე აზიაში ნაყოფიერების, ფინეთში - სიცოცხლის, ხოლო კორეელებისთვის  ის ერთგულებას განასახიერებს. გადმოცემის თანახმად, ჰიპოკრატე ხშირად იყენებდა  ფიჭვის წიწვების წყლიან ექსტრაქტებს და ფიჭვის ფისებისაგან დამზადებულ სკიპიდარს.

უკვე დიდი ხანია ფიჭვის მასალა სხვადასხვა ნაგებობათა მშენებლობისათვის, იატაკის მოსაპირკეთებლად, ავეჯის დასამზადებლად  გამოიყენება. მისი  მნიშვნელობა დიდა, როგორც მშენებლობის პროცესში, ისე  ინტერიერისა და დიზაინის მოსაწყობად. მსოფლიოს არაერთ ქვეყანაში ფიჭვის მასალისგან ულამაზეს და მყუდრო კოტეჯებს, მცირე ზომის საცხოვრებლებს აშენებენ.

რატომ უნდა შევაჩეროთ არჩევანი ფიჭვის მასალაზემშენებლობა-რემონტის დროს? პასუხი მარტივია, ის არის მსუბუქი, იაფი, ლამაზი ვიზუალის მქონე მასალა. გამძლეობაში, ნესტისა და სხვა გარე ფაქტორების ზემოქმედების კუთხით ჩემპიონთა ლიგაში არ გამოდის, თუმცა ეს მის ღერსებებს სულაც არ აკნინებს.  

ფიჭვის მასალა, თავისი სტრუქტურის, ვიზუალური ეფექტის  დამსახურებით გამოიყენება, როგორც სახლის ექსტერიერის, ასევე ინტერიერის მოსაწყობად.  ის ნებისმიერი დიზაინის ინტერიერს ერგება და დახვეწილ იერსახეს სძენს. სწორედ ამ თვისებების გამო მოიპოვა მან სამშენებლო ინდუსტრიაში პოპულარობა.

აქტიურად იყენებენ ფიჭვს, იატაკის ფიცრებად, კედლის პანელებად, კიბის საფეხურებად, გარე ფასადად. ფიჭვის მასალისგან დამზადებული იატაკის საფარი ლამაზია და სურნელიც სასიამოვნო აქვს, მაგრამ ერთი უარყოფითი მხარე აქვს, შედარებით რბილი მერქანი აქვს, ამიტომ განსაკუთრებული მოვლას და გაფრთხილებას საჭიროებს. თუმცა, ფიჭვი გაჯერებულია სპეციალური ფისოვანი ნაერთებით, რომლებიც ხელს უშლიან ხის დაზიანებას, დანესტიანებას მაშინაც კი, როდესაც ის წყალში დიდი ხნის განმავლობაშია.

ფიჭვის მასალით მოპირკეთებულ ოთახი, ზამთარში თბილია და ზაფხულში გრილი.

პოპულარობით სარგებლობს ფიჭვის ავეჯი, რადგან ის სიმსუბუქით, სასიამოვნო ფერით და ვიზუალური ეფექტით გამოირჩევა. განსაკუთრებული პოპულარობით სარგებლობს ფინეთსა და რუსეთში უყვართ ფიჭვი.

 

ფიჭვის სამკურნალო თვისებები

ფიჭვს უნივერსალური სამკურნალო თვისებები გააჩნია, რის გამოც  მას ოდითგანვე მნიშვნელოვანი ფუნქცია ჰქონდა ადამიანების ყოფაში. ფიჭვი შეიცავს ეთერის ზეთს, სკიპიდარს, ასკორბინის მჟავას, სახამებელს, ფისებს, B1, B2 და P ვიტამინებს. გააჩნია ამოსახველებელი, შარდმდენი და მადეზინფიცირებელი თვისებები. იყენებენ სასუნთქი გზების ანთებითი პროცესების დროს, აგრეთვე როგორც ინსექტიციდს და სხვა.

ფიჭვის მტვერი ბუნების ერთ-ერთი საჩუქარია. ის გამოიყოფა ფიჭვის გირჩის ყვავილობის დროს (მაისი-ივნისის პერიოდში). ხეებს უჩნდებათ მცირე კვირტოვანი წამონაზარდები, რომლებიც  მომწიფების შემდეგ იწყებენ დამტვერვას. ფიჭვის მტვერი ძირითადად გამოიყენება ბრონქიტის, ფილტვების ანთებისას, ასთმური დაავადებების სამკურნალოდ. უნიკალური თვისებების გამო, ის აუმჯობესებს სისხლის მიმოქცევას, აჯანსაღებს  გულსისხლძარღვთა სისტემას, არეგულირებს არტერიულ წნევას, ანადგურებს ტუბერკულოზის ჩხირებს, სხვადასხვა ბაქტერიებს და ხელს უშლის კიბოს განვითარებას. თუ კურორტზე დასვენებას გადაწყვეტთ, ეცადეთ, დამტვერვის პერიოდს დაამთხვიოთ და ხშირად ისეირნოთ ტყეში, სუფთა ჰაერზე.

სამკურნალო თვისებები აქვს როგორც მცენარის კვირტებს, ისე ფისს და წიწვებს. C ვიტამინის მდიდარი წყაროა ფიჭვის წიწვები. წიწვის აბაზანები მატონიზებელ გავლენას ახდენს ადამიანის ორგანიზმზე, მისი ნაყენი კი ვიტამინებითა და სხვა სასარგებლო ნივთიერებებით ამარაგებს მას.

ზედა სასუნთქი გზების ანთებითი პროცესების სამკურნალოდ ხმარობენ ფიჭვის კვირტების ნახარშს, ასევე მის ნაყენს იყენებენ  ინჰალაციის სახით. ფიჭვის კვირტებისაგან დამზადებული ნახარში გამოიყენება როგორც ამოსახველებელი, შარდმდენი და მადეზინფიცირებელი საშუალება.

არაფერი შეედრება ფიჭვნარში დასვენებას და დროის გატარებას. ფიჭვნარი არის ნათელი, წიწვოვანი ტყე, სადაც ფიჭვი „ბატონობს“. საქართველოში ფიჭვნარს შეხვდებით სამცხე-ჯავახეთში, მთათუშეთსა და გორის რაიონში, მდინარე ტანის ხეობაში.  ბიჭვინთის კონცხზე იზრდება  ფიჭვის უნიკალური კორომი, რომელიც ყველა მნახველს აღარფრთოვანებს.

ფიჭვნარში ჰაერი ძალიან სტერილური, სურნელოვანი  და სუფთაა. ამასთან მდიდარია ოზონით. ოზონის, თუნდაც დაბალი დოზით მიღებისას კი, ადამიანი გრძნობს სიძლიერესა და მოზღვავებულ ენერგიას. ფიჭვნარები დიდი ოდენობით გამოყოფენ ფიტონციდებს, რომლებიც კლავენ, ან ზღუდავენ ბაქტერიებს. ფიჭვნარში სეირნობა განსაკუთრებით სასარგებლოა მათთვის, ვისაც აწუხებს სასუნთქი სისტემის რომელიმე დაავადება.

 

მადლობა, რომ გვსტუმრობთ. შეიქმნენით ფიჭვის ინტერიერი და ექსტერიერი და ისუნთქთ ჟანგბადი.

ფიჭვზე ქართულ ლიტერატურაში შეგიძლიათ მალე წაიკითხოთ აქ

* მონიშნული ველების შევსება აუცილებელია. მადლობა რომ გვსტუმრობთ